Executive日記——首個「香港校服今昔」展 重溫青葱校園歲月

  Kelly好贊同校服喺青葱歲月裏面不可或缺嘅記憶!為咗加深公眾對香港校服百年發展嘅認識,教育大學香港教育博物館舉辦咗首個以「香港校服」為主題嘅展覽,展示唔同年代嘅香港校服,一定會勾起香港人嘅集體回憶!

  「香港校服今昔」展覽由噚日起至明年十月三十一日舉行,展示唔同年代嘅經典校服、領帶、學校徽章同舊式書包等,仲會重現部份已經「絕版」嘅校服O添!展覽亦會加入互動元素,例如小遊戲,可以畀公眾認識香港校服史嘅變遷。教大校長張仁良教授話畀Kelly知,每所學校都有屬於自己嘅校服故事,呢一百年嚟嘅校服變遷,反映咗時代嘅轉變同進步,當中蘊含嘅歷史、時代背景,甚至係社會文化,都好值得我哋仔細探究㗎!展覽係免費入場O添!

Kelly Chu


hd