Executive日記——邀創意年輕人擺攤檔 白色聖誕市集 邊玩邊做善事

        太古地產由五年前起逢每年十一月底舉行「白色聖誕市集」,為聖誕節掀開序幕。今年嘅「白色聖誕市集」由今日(29號)起一連三天喺鰂魚涌糖廠街舉行,主題環繞古樸別致嘅火車站,有近四十個聖誕主題攤位、社區升級再造工作坊、棉花糖火車頭同白色小熊巡遊。  Kelly覺得最有意義嘅係「白色聖誕市集」將所有活動收益捐給「愛心聖誕大行動」,以支持多個本港唔同區域嘅非牟利組織。太古地產邀請唔同嘅社區人士同該區嘅上班族喺聖誕市集獻唱原創歌曲、炮製聖誕美食同飲品,為慈善籌款出一分力;又同保良局青年創業基金合作,邀請有意創業嘅年輕人喺市集擺賣,從而吸取實戰經驗。

Kelly Chu

hd