Executive日記——父母改好意頭名 超難讀被同學笑

  香港人樣樣都要講意頭,好多父母會幫仔囡改個好意頭嘅名,希望凡事順風順水!最近就有一位學生喺facebook專頁「名校 Secrets」大吐苦水,話父母迷信,請算命師幫佢改咗個好意頭嘅名,叫「禤龘」(讀音︰圈憑踏),寓意將來飛黃騰達,但呢個名令佢造成好大困擾。

  嗰位學生話,小學嘅時候成日畀同學取笑,仲會畀人叫「雷雷雷龍龍龍」,去到中學又成日畀人叫「呀喂!」,連老師都讀錯,搞到佢喺班上出醜。佢話,有人因為見到佢個名而唔太願意認識佢,而最困擾嘅喺因為個名筆畫多,考試寫名都要寫好耐,仲好驚寫錯字。佢曾經同父母講過想改個普通名,但父母覺得唔吉利所以拒絕,唯有等到十八歲可以自己改名。  

  帖文引起好多網民留言,「其實我覺得幾型喎坦白講」、「其實個名特別都幾好,好多人嫌個名太普通改到鬼五馬六O添啦」、仲有網民講笑話「罰抄個名先大鑊」、「老師嗌錯你名,佢哋應該要罰抄」。



Kelly Chu

hd