Executive日記——閃耀維港燈影節亮燈 五光十色盡顯港特色

  第一屆閃耀維港燈影節昨晚喺中環海濱區亮燈,Kelly喺現場,見到五光溢彩,即刻同朋友selfie留念,旅發局主席林建岳形容呢個燈影節五光十色,正正係香港嘅特色,佢仲重點介紹兩個大型燈飾裝置,一個叫「蝠鼠吊金錢」,另一個係聖誕音樂樹,都好靚好吸引。

  「蝠鼠吊金錢」創作嘅意念,來自當舖沿用多年嘅蝠鼠吊金錢招牌,蝠有福氣嘅意頭,而圓形嘅線條代表金錢,寓意美好,呢個戶外裝置設計,運用虛實光影手法,形成一個個拱門排列,排成隧道,造成一個無垠嘅效果,小妹喺裏面走來走去,好好玩。

  另外,林建岳又話,音樂聖誕樹有幾十呎高,好巨型又會變色,仲會播放強勁音樂O添,話係呢個聖誕嘅打卡理想地點喎。

Kelly Chu

hd