Executive日記——星夢郵輪「高鐵+郵輪」遊體驗一站式海陸之旅

        廣深港高鐵通車唔單止方便旅客進出香港,仲帶動咗香港郵輪旅遊業嘅發展O添!星夢郵輪藉着廣深港高鐵通車嘅大好時機,推出咗「高鐵+郵輪」之旅,仲有「星夢郵輪高鐵郵輪千人團」,過千個旅客已經喺十一月期間選乘高鐵到香港,享受自由行之餘,仲可以歎番個「郵輪周末遊」,真喺諗起都「梳乎」呀!

隨住廣深港高鐵香港段正式通車,星夢郵輪把握時機,推出「高鐵+郵輪」之旅,喺高鐵沿線城市大力推廣,最後成功推出「星夢郵輪高鐵郵輪千人團」。過千個旅客喺十一月期間選乘高鐵嚟香港,展開三日兩夜嘅香港自由行,仲可以享受「世界夢號」郵輪周末遊,盡情歎番個休閒海陸之旅。

  「星夢郵輪高鐵郵輪千人團」噚日舉行慶祝典禮,星夢郵輪總裁戴卓爾布朗先生話畀Kelly知,高鐵嘅開通真正喺時空意義上縮短咗內陸城市,尤其喺中西部城市同香港之間嘅距離,為「高鐵+郵輪」模式提供咗新機遇,預計會成為香港郵輪業發展嘅全新增長點。對於旅客嚟講,高鐵通車令佢哋去香港嘅時候慳番好多時間,除咗享受郵輪之旅,上船前後仲可以喺香港盡情購物同享受美食,一站式咁體驗海陸之旅。

  香港旅遊發展局亦都話好高興可以同星夢郵輪合作,推出「高鐵+郵輪」產品,仲話希望將來可以推出更多特色旅遊產品同推廣,吸引更多旅客嚟到香港過夜!

Kelly Chu

hd