Executive日記——滙豐資助搞家長小組 教導智障青年理財

  父母愛錫仔女係人之常情,但父母嘅過份保護有時會帶嚟反效果。智障青年嘅家長為咗保護下一代,或許大多會選擇代替仔女管理所有生活所需嘅金錢,雖然可以減少仔女唔識找錢帶嚟嘅損失,但亦令到佢哋缺乏理財生活經驗。

  致力幫助智障同自閉青年理財嘅機構——香港家庭福利會理財教育中心,獲得滙豐一百五十周年慈善計劃資助,籌組咗「由『錢』入心」家長理財小組。小組通過有趣活動同社工分享,讓家長學習從中取材,輕鬆教導仔女理財。小組仲會促進家長間嘅互相支援同學習,不斷提升佢哋嘅教導能力。

  中心社工黃靜欣話畀Kelly知,智障青年其實有能力學習理財,家長只要多啲耐性,幫仔女反覆練習,時間就會證明輕度智障青年絕對有能力格價、管理儲蓄同日常生活開支。

Kelly Chu

hd