Executive日記——「神奇小子」曹星如為夢出戰奧運擂台

        「失敗對我嚟講並唔可怕,我更怕因為唔嘗試而後悔」。講呢句說話嘅係超蠅量級拳手世界排名第一嘅曹星如,Kelly覺得佢真係好有型!曹星如上月宣佈將以業餘拳手身份,向着「為香港而戰」夢想出發。Nike有影片回顧曹星如嘅拳手職業生涯,充份體現「Dream Crazy」精神!

日前「神奇小子」曹星如出戰中華台北拳手江奕宏,賽後宣佈將以業餘拳手身份繼續為港爭光。Nike-Dreamers:Rex Tso影片回顧佢嘅職業生涯。講到呢十五年嚟,由普通人打到變「神奇小子」;由每回合四十拳打到一百二十拳;由只有三百人睇佢比賽,到全港七百萬人陪着佢打,一幕幕展現佢以血汗演繹Just Do It精神。

  曹星如一直對○八年未能代表香港參加北京奧運而耿耿於懷。十年過去,佢決定為夢想瘋狂一次,放棄職業拳擊生涯帶畀佢嘅光環,以業餘拳手身份係二○二○年以「香港而非個人身份」踏上奧運擂台。佢同時希望可推動香港業餘拳擊發展。Kelly好期待佢為香港登上奧運擂台!

Kelly Chu

hd