Executive日記——會展30周年 美食大派對 「外星來客」到場慶賀

        灣仔會議展覽中心三十歲喇!會展昨晚搞咗個大Party慶祝生日,特首林鄭月娥都親臨慶賀,儀式完畢後,忽然有一位特別嘉賓出現,全場嘩嘩聲,原來係由外星飛嚟嘅「太空來客」。佢日前已在會展打咗個round,對各種設施樣樣畀like。派對高潮位係來賓享用會展的美食,林林總總,個個食到停唔到口。

會展開三十歲生日party,特首特登嚟講句「生日快樂」,由會展一姐梅李玉霞(Monica)陪同入場,Monica一身紅色套裝,好有喜慶氣氛。特首致詞時大讚會展對香港經濟嘅貢獻,又話政府會繼續大力發展會展設施。

  切完生日餅後,特別嘉賓就從天而降,呢個「外星來客」,同一眾高層及來賓齊齊豎手指公畀個like。會展亦的確抵讚,三十年來搞過無數展覽同活動,更會在未來五年投資十億更新設備,要求樣樣做到滿分。

  會展以佳餚出名,Party高潮係嘉賓湧入宴會廳品嚐成百款美食,中西日東南亞乜都有,每款細細件又好味,人人食到停唔到口。

Kelly Chu


hd