Executive日記——全球置業博覽前瞻 掌握2019物業投資方向

  Kelly身邊好多朋友都為置業奮鬥緊,但面對住香港嘅樓價起伏,加上環球貿易市況嘅轉變,令唔少港人都為投資方向感到迷茫。為咗幫助希望置業嘅朋友,《頭條日報》早前舉辦咗「全球置業博覽2019前瞻」,同場仲有多場講座,令大家可以搵到二○一九年嘅物業投資方向!

  「全球置業博覽2019前瞻」上周六喺九龍香港喜來登酒店舉行,舉辦咗六場講座,包羅內地、大灣區、泰國、台灣、馬來西亞等地。講座分別有香港房幫幫嘅「國內物業投資注意事項」、鹿公子愛家嘅「香港與內地樓市走勢及比較」、Sakura Global Property Limited嘅「泰國布吉介紹及投資前景」、Global Home海外買家嘅「免費醫療價細住台灣-台中vs台北」、大馬物業專家C.A.J Property嘅「馬雲都進駐!分析吉隆坡甲級商住地段Bangsar South魅力」、仲有華發股份嘅「如何利用港人優勢,賺取灣區第一桶金」。

  今次博覽嘅參展商總共有十三間,除咗頭先提過嘅公司,仲有康華地產、創富物業、GC Global寰宇筍盤、Auslink Oversea Property Limited、Luxe Global Hong Kong Limited、大灣區投資王、同埋卓傑不動產。佢哋都介紹咗全球各地嘅樓盤,畀大家可以一次過集中選擇,Kelly今次都學到唔少嘢呀!

Kelly Chu




hd