Executive日記——迪士尼樂園委任楊善妮為新CEO

  Kelly收到香港迪士尼嘅最新消息,委任楊善妮出任香港迪士尼樂園度假區行政總裁,任期由二○一九年二月一日開始生效!

  楊善妮加入華特迪士尼公司已經二十六年,佢喺○六至○九年出任香港迪士尼首席財務總監,負責度假區嘅財務策劃、財政、財務控制、企業聯盟同科技應用。楊善妮功績唔少㗎,佢積極參與度假區首階段擴建計劃嘅財務重組,仲為樂園帶嚟反斗奇兵大本營、灰熊山谷同迷離莊園三個深受大家喜愛嘅主題園區!

  華特迪士尼樂園及度假區亞太區總裁及董事總經理馬凱澤宣佈任命嘅時候話,憑住楊善妮喺商業策劃同樂園度假區營運嘅豐富經驗,佢將會帶領團隊好好捉緊香港旅遊業嘅機遇。

Kelly Chu

hd