Executive日記——信和600員工同家屬 齊齊百萬行破晒紀錄

  「公益金五十週年百萬行」呢個周日舉行咗,Kelly有去支持,唔單止做善事,仲可以一探仲未通車嘅中環灣仔繞道,真係一舉兩得!當日信和集團管理層都現身支持,仲帶同六百位員工同佢哋嘅親友一齊參加百萬行,參加人數仲破晒紀錄,係歷年最高O添!

  信和集團集團總經理黃敏華話畀Kelly知,當日見到佢嘅同事推住嬰兒車或者輪椅,帶埋屋企一家大細,齊齊參與百萬行,身體力行做善事之餘,亦都可以共享天倫之樂,認真開心!集團仲喺百萬行終點附近派發食物同飲品,以示對員工嘅支持。今次活動所籌得嘅善款,將會用作資助公益金轄下廿四間提供家庭同兒童福利服務嘅社會福利機構。

Kelly Chu

hd