Executive日記——大館藝術書展大開眼界 毛毛書同卡式帶書你見過未?

        Kelly係半個文青,一有時間就睇下書咁,提升自己。大館將舉行一個香港藝術書展,啱晒書迷啦,因為會展出藝術書籍,Kelly八卦到,展品中有一本「毛毛書」同埋一本「卡式錄音帶與書本」嘅混合體!

        Kelly係一個哈利波特迷,藝術書展中嘅「毛毛書」,令小妹想起哈利三年班用嗰本奇獸飼育學嘅課本!而果本舊款卡式錄音帶同彩色紙張的組合書,Kelly覺得好有意義,卡式錄音帶已被淘汰,估唔到設計師變成書嘅封面,賦予佢第二次生命。

  香港藝術書展明日起一連三天喺中環大館嘅賽馬會藝方舉行,首次集合來自歐亞、北美三洲以及本地大約六十個藝術出版單位、藝術機構及藝術家參與嘅藝術書展。大館藝術主管Tobias Berger話,呢個係一個全新嘅國際藝術書展,希望藉此引領公眾對藝術書籍產生興趣咁話喎。

Kelly Chu

hd