Executive日記——議員主張抗戰勝利日變九月紅假

  昨日立法會開會,潘兆平議員建議將每年嘅九月三日,即係中國抗日戰爭勝利紀念日列為法定假期,佢認為咁做可以增加市民對國家民族嘅認同感。不過,勞福局局長羅致光回應話,無計劃咁做喎。另一議員張宇人(圖)即刻建議,大家可以研究捨棄現時一日法定假期,以抗戰勝利日代替。計Kelly話,呢個方向有得諗。

  Kelly睇晒成年嘅紅日假期,每日都好正,揀唔落手cut邊日,但一般而言九月只得中秋節一日紅日,如果九月多一日抗戰勝利紅日都幾好,因為八月無紅日,九月可以唞吓氣,政府應聽吓民意代表嘅意見,認真研究吓。

Kelly Chu

hd