Executive日記——迪士尼傳訊副總裁 掌願望成真基金助病童

        踏入新一年,好多朋友make a wish ,其中香港迪士尼樂園傳訊及公關事務副總裁蔡少綿(Linda),唔單止定下新年願望,仲身體力行,佢將會接任「願望成真基金」(Make-A-Wish HK)嘅主席,幫助患病兒童實現佢哋嘅願望。

        Linda日常忙於迪士尼樂園嘅工作,但工餘不時同樂園一班義工落區,為基層提供服務,Kelly受到感染,試過有一朝一早爬起牀,跟佢去到長沙灣社區,同基層小朋友講下英文,又玩下遊戲,雖然好攰,但回憶很美好。估唔到Linda唔單止做義工,佢過去兩、三年仲加入註冊慈善團體「願望成真基金」,諗方法幫助病童實現願望,為佢哋喺抗病嘅路途上帶嚟希望。

  Linda話:「睇到病童喺實現願望嘅過程中得到動力同勇氣,去應付治療。」令到佢好感動。Kelly完全認同,盡自己所有嘅力量,幫助有需要的人,自己做個更好嘅人,活得有意義,非常之好。

Kelly Chu

hd