Executive日記——華碩筆電機身最細 出外工作好輕便

  Kelly鍾意帶住部電腦四圍走,除咗可以隨時「開工」,一得閒仲可以煲吓劇O添!雖然隨身有電腦好方便,但Kelly部電腦又大又重,成日拎到腰酸背痛。最近華碩香港推出咗全球最細機身筆電系列ZenBook 13/14/15,最細嘅ZenBook 13居然仲細過一張 A4 紙!真係啱晒成日要出外工作嘅打工仔!

  全球最細機身筆電系列ZenBook 13/14/15,尺寸分別為30.2 W x 18.9 D x 1.69 H cm,31.9 W x 19.9 D x 1.59 H cm,同埋35.4W x 22D x 1.79H cm,採用四邊NanoEdge窄邊框顯示熒幕,熒幕佔比高達95%,同時仲配備ErgoLift軸承設計,揭起上蓋嗰陣鍵盤會自動傾斜三度,打字嗰陣就更舒服喇!好多出外工作嘅打工仔,最關心就係筆電嘅電量夠唔夠用,華碩呢部筆電嘅電量可以持續十四至十六小時,打工仔可以放心「開工」喇!

Kelly Chu

hd