Executive日記——亞洲最大電競館 落戶旺角麥花臣匯

        電競比賽,緊張刺激!昨天亞洲最大型嘅綜合電競館喺旺角揭幕喇,好多電競迷好興奮,點知呢個電競聖地未算領正牌,原來當局仍未有專屬牌照供電競業申請。

        好多電競迷等咗好耐嘅CGA香港電競館,喺旺角麥花臣匯揭幕,係全亞洲最大,分兩層,地面用作訓練,分為鬥獸場型嘅電腦區、娛樂區、手遊區、輕食區同商店,二十四小時營業。不過,電競館發言人同Kelly講,到O依家仲未見當局推出電競場嘅專屬牌照同指引!Kelly好奇,去問創新及科技局,局方回應話,正聯同民政事務局,着手理順電競場地嘅牌照問題,短期內向業界公佈有關指引,協助業界遵從。

  咁CGA香港電競館算唔算「無牌經營」?局方話唔可以咁講!因電競場可以就娛樂、餐飲等服務,向不同部門申領相關牌照。而CGA香港電競館發言人亦話,已申請所有需要牌照,不會有問題!

  但業界話,申請不同牌照,始終好煩。局方預計今年首季公佈一套電競場地相關牌照嘅指引,包括申請程序、一般場地規定同要求等,令營運商有個清晰指引喎!

Kelly Chu

hd