Executive日記——太興機械人自動炒牛河

  機械人用途多,估唔到連香噴噴嘅乾炒牛河都炒得到!社交網站有段短片,拍低太興使用半自動嘅機器炒牛河,部機有語音提示,好似「準備洋葱,準備河粉」、「落洋葱,落河粉」等,由廚師一步一步跟住做,但拋鑊炒就由機器負責,炒呀炒呀,好快一碟乾炒牛河就上碟喇!

  Kelly問過太興嘅發言人!原來呢部炒牛河機,由太興集團主席陳永安喺兩年前發明嘅,原因係佢覺得個鐵鑊好重,見廚師揸鑊辛苦,就發明呢部機,仲申請埋專利。發言人提到,機器出產嘅食物質素高同有統一性,而太興會請廚師從旁使用,唔擔心人力會被取代喎!

Kelly Chu


hd