Executive日記——年宵檔主大嘥鬼 有心人拯救物資

        Kelly愛行年宵,就算唔消費,都感受吓節慶氣氛,但熱鬧過後,唔少檔主將賣剩商品棄置,造成大量浪費!民間團體「沙田不是垃圾站」就好有心,去沙田年宵拯救物資行動,有驚人發現,連全新嘅衣物都被拋入垃圾桶!

  「沙田不是垃圾站」喺社交平台發帖,話同一眾戰友出動拯救有用物資,發現唔少檔主直接將全新未用物資棄置,帖文附有大量相片為證,Kelly睇見都忍唔住「畀嬲」!從相片可見,垃圾桶有過百件菠蘿冰,仲有數百個獨立包裝嘅花茶、三大箱糖果、約五百對新襪、約五十隻花盆碟、一百粒全新電芯、一堆新櫈仔、新簇簇賣花展示架等等。帖文引嚟好多網民留言,大歎港人好浪費,有人大喊「畀社福機構都好吖,檔主咁大嘥咁浪費」。

Kelly Chu


hd