Executive日記——兒歌之父豬年新作 《快樂的小豬》 靈感來自燒乳豬

        被譽為「香港兒歌之父 」嘅韋然又有新作品啦!踏入農曆豬年,佢作咗一首豬年歌曲《快樂的小豬》,作曲填詞一人搞掂,而創作靈感竟然與燒乳豬有關!

        韋然同Kelly講,呢首歌曲連埋詞只係用咗一個鐘多小小就完成,而靈感源自佢一年前見過一隻好得意嘅活潑小豬,當時寫咗一首小詩,但未有想法去寫歌。及至早前行山,佢想起今年係豬年,又諗到一個好得意嘅旋律,呢首歌就誕生咗啦,佢仲把活潑小豬聯想到桌上嘅美味乳豬。

  歌詞好有趣,「日昨肥小豬 明日紅燒豬 」,而「日昨」比「昨日」,係突出咗時間嘅流逝感覺喎。而形容豬仔「活潑肥嘟嘟 圓面圓咕碌」,非常傳神。

  呢首歌由本身係律師嘅黃琦雅(Angela)演繹,年初一上載社交平台同大家拜年。而負責編曲嘅喺葉崇恩,連「校長」譚詠麟都曾經唱過佢嘅歌㗎。創作歌曲多年嘅韋然話,無論覺得開心定悶,佢寫歌當消遣。佢對小妹話,睇吓以後仲有無靈感,再決定寫唔寫埋其它生肖兒歌咁話喎!

《快樂的小豬》(部份歌詞)

  這小豬天天都愛睡

  活潑小豬不會淚垂

  這小豬天生很友善

  快樂人定喜愛我。。。。。

昨日肥小豬 明日紅燒豬

美味嚐盡最開心

令到人開心 能令人歡欣

我熱情地笑

Kelly Chu


hd