Executive日記——《新喜劇之王》茄喱啡原來係新晉導演

  Kelly鍾意睇周星馳嘅戲,趁新年假期入戲院睇咗佢嘅賀歲片《新喜劇之王》(圖右),入面有個肥仔配角,演技了得,原來佢唔係普通演員咁簡單,仲執導咗一齣電影,成功入圍國際電影節,可以講係香港年輕新一代嘅導演。

  呢個其貌不揚嘅肥仔,名為黃驍鵬,喺戲中飾「茄喱啡」李洋,對女主角如夢好仰慕,甚至向佢表白,可惜被如夢拒絕咗,原來戲中佢係一富二代,後來因為要接手家族生意,放棄做演員嘅理想,亦離開咗如夢!黃驍鵬係《新喜劇之王》其中一位聯合導演,佢喺浸會大學讀電影,而由佢執導嘅新作《雨季不再來》,入選咗大阪電影節嘅「Special Focus on HK 2019」單元,能否為港爭光,大家拭目以待!

Kelly Chu

hd