Executive日記——陳家亮教授分享公屋成長故事令人欽佩

  Kelly噚日去咗美荷樓聽中大醫學院院長陳家亮教授,分享佢喺公屋成長既故事,聽完真係好佩服陳教授力爭上游嘅精神。原來佢細個時屋企細,要同細佬瞓廳。原本考到名校,但因屋企負擔唔到每月八蚊嘅校巴費,只可讀屋企附近嘅小學。

  因為少年家貧,所以佢立志要努力改變家人生活條件,高中成績一直名列前茅。亦因為年少能夠吃苦,即使當時因為中大新成立,所以醫學生需要喺聯合醫院外嘅臨時貨櫃上堂同當值。佢仲喺手術科攞到第一名,之後成為腸胃肝臟科專科醫生,Kelly聽完真係好佩服佢嘅堅持。

Kelly Chu


hd