Executive日記——最後一次記者會 展高超公關技巧 劉燕卿讚傳媒神通廣大

        出任申訴專員五年嘅劉燕卿(Connie),昨天最後一次舉行新聞發佈會,可以話係佢最後一次面對記者嘅提問,Kelly見佢展現高超嘅公關技巧,成個記者會都盛讚傳媒朋友,形容佢哋擁有偵探頭腦。

        Connie由消委會總幹事轉任申訴專員,專責調查各部門嘅行政失當,不經不覺,五年任期完咗,佢在任內一共做咗五十個主動調查,針砭好多部門嘅陋習,提升佢哋對市民嘅服務。Connie喺昨天舉行退任前最後一次記者會,對記者話,調查涉及好多資料,都因為私隱問題,冇向外界透露,但佢又讚記者神通廣大,冇公佈,都竟然被記者發掘到。

  被問到對繼任人趙慧賢有咩期望,佢就話,希望趙可以堅持公平、公正、公開嘅原則,同政府、市民三方一齊合作。佢又話,任內做每一個決定,都係調查完之後同團隊成員討論之後得出嘅,形容齊心就事成,而且成效更加好。Kelly祝Connie退休生活愉快啦,一切順利。

Kelly Chu

hd