Executive日記——海洋公園賦予第二次生命 塌樹打造園藝奪最佳展品獎

        海洋公園示範化腐朽為神奇,利用被超強颱風山竹吹倒嘅樹木,打造成園藝擺設,加上以大紅花為主題,配上噴雪花等多種花卉,重現生態環境,參加「香港花卉展覽二○一九」展中,鼓勵公眾喺實踐減廢同循環再用,結果呢份環保心意,得到肯定,榮獲花展嘅「最佳展品大獎」。

        海洋公園呢個園藝擺設,主題花係大紅花,加上多種花卉,營造滿園繽紛嘅美景,並呈現春天生生不息嘅氣象,仲加入吉祥物威威、大熊貓同小熊貓等可愛造型嘅植物雕塑,增添親切感同活潑歡樂氣息。

  唔講唔知,原來擺設所採用嘅樹木,係來自海洋公園去年被山竹吹倒嘅樹木。海洋公園管理及演藝節目執行總監吳守堅話:「去年山竹摧毀咗數量龐大嘅樹木,公園嘅園林部團隊不忍丟棄斷木,特意收集,將佢哋雕刻成園藝作品中嘅擺設。」Kelly要畀個大like海洋公園先得。

Kelly Chu

hd