Executive日記——槍嘴托住下巴 解款員揸槍姿勢嚇死人

  網路上有一張解款員持槍嘅相片瘋傳,唔係好英明神武嘅模樣,而係佢坐低,雙手扶着槍身,槍托掂地,但槍口就對準自己下巴,好似撐住個頭咁。Kelly睇到都心驚膽戰,唔知呢位師兄係咪想玩俄羅斯輪盤?Kelly問咗前高級警司何明新,佢話呢位仁兄咁持槍,好可能違反訓練守則,如果有子彈,仲驚一個唔覺意走火,就會傷及自己。

  何Sir同Kelly講,上述嗰位師兄可能違規,不論揸槍喺直揸定橫揸,最緊要喺雙手揸住支槍、槍口不要對向任何人體位置,呢位師兄咁樣揸槍就唔正確。被問到咁樣揸會唔會好易走火。何sir就話,槍械有安全制,而呢位師兄嘅槍可能冇子彈,虛驚一場啫。Kelly覺得呢位師兄或者喺無心之失,但避免引起恐慌,下次都喺要揸返好支槍!

Kelly Chu

hd