Executive日記——信興宴請傳媒又有好介紹 細細塊太陽能板 輕鬆賺錢有法

  每年信興集團宴請傳媒,Kelly都好期待,除咗可以品嚐美味嘅蒙氏咖喱,仲可以觀摩信興集團從環球各地引入嘅先進家庭電器。Kelly就睇中Panasonic嘅太陽能板,裝咗喺屋企可以回售電畀中電,長遠有錢賺㗎。

  信興主席兼行政總裁蒙德揚每次見傳媒朋友都好開心,因為每次佢都有好多創意高科技新家電介紹畀大家。今次Kelly就對一塊大過A4紙嘅Panasonic太陽能板好有興趣,以全新耐用高科技生產,信興自去年十月引入香港,已經有二千多戶人家安裝咗,大多數係村屋同獨立屋,安裝費約莫二十多萬,每月可造電五百度。根據中電回購再生電力計劃,每度畀五蚊,一戶一年約有三萬至三萬五千蚊,即六年左右安裝費就可以回本。由於中電承諾會向每戶回收十五年再生電,安裝戶餘下九年就淨賺!小妺問,自己用番啲太陽能電咪幾好,但信興朋友話,O依家中電每度電約賣一蚊,但收太陽能電就畀五蚊,市民有電當然賣畀中電啦!

  另外,信興引入日本Sixpad智能健身衣,透過電子感應,可探測身上脂肪,然後透過電子訊號刺激,精準咁鍛煉各部位,只要跟住模擬動作做,就可達到減肥同結實肌肉嘅效果!想輕鬆健身嘅朋友,遲啲Sixpad會喺尖沙咀Victoria Dockside開一間健身中心,到時就有得試啦。

Kelly Chu


hd