Executive日記——改圖變手掣燈 提醒司機記得拉手掣 警察大玩黑洞照二次創作

  早前全球首張宇宙「黑洞照」揭開神秘面紗,激發全球網民改圖,大玩二次創作。連香港警察都玩埋一份,將「黑洞照」改圖,變成手掣燈,提醒司機離開車廂前,記得拉手掣。Kelly睇完都覺得有創意,又搞笑!

  香港警察在facebook專頁上載「黑洞照」,更留言:「原來真正嘅黑洞,會喺你唔留心嘅時候出現喺道路上。作為司機嘅你如果唔想途人同你架車就咁去咗黑洞,離開車廂前,記住拉手掣!」警察叔叔咁幽默,各位司機一定記得拉手掣,以免發生意外!

  有網民就將「黑洞照」,改成貓嘅橙黃色眼睛同黑色眼珠,Kelly望落與「黑洞照」似到十足。有網民笑言,「宇宙奧秘終於解開,原來與貓子力學有關」、「唔通人類要被喵喵統治」、「而家再睇返黑洞照,已經返唔到轉頭」。

  台灣樂團五月天主唱阿信,亦係佢嘅facebook專頁發佈「黑洞貓」照片,阿信嘅「黑洞貓」照片,黑洞變成貓眼,並加上眉毛、嘴巴,最後成為了喵星人。Kelly發現原來「黑洞」一直在大家身邊!

Kelly Chu


hd