Executive日記——劉允獲金像獎專業精神獎 介紹短片撐粵語俚語

  前晚全城最關注嘅係咩,梗係金像獎頒獎典禮,Kelly有睇直播,留意到獲得專業精神獎嘅劉允,佢嘅介紹短片好有誠意,好有驚喜,因為內容力撐粵語,喺短片字幕加入咗廣東話俗語,夠晒貼地,仲要有埋拼音,等唔識廣東話嘅人都可以嘗試拼下學下。

  呢段介紹劉允短片內嘅俚語,包括「瀨野」、「頂硬上」、「攤攤腰」、「笑口噬噬」、「架勢」、「搏命」同「冇停手」,真係睇詞都感受到佢嘅演技好精采。

  佢得獎嘅消息一出,好多人都好驚訝咁得知,原來佢係第一代郭靖白彪嘅細佬,雖然無哥哥咁出名,不過就係憑肯捱肯搏又無怨言嘅精神,獲得業界一致認可零負評嘅吊威吔專家,香港動作電影八、九十年代喺國際間享負盛名,佢功不可沒,佢得獎真係實至名歸!

KellyChu


hd