Executive日記——Jetso App送迪士尼飛 孖住玩轉夢幻世界

  Kelly同朋友昨晚參加Ed Sheeran喺香港迪士尼樂園幻想道舉行嘅露天演唱會,呢位國際著名唱作人兼四屆格林美獎得主,唱咗好多首耳熟能詳嘅情歌,歌聲浪漫,全場high到跟住唱!

  昨晚嘅舞台佈置同燈光效果真係好正!真係喺迪士尼樂園廣闊嘅戶外場地先有咁震撼嘅舞台視覺效果同感觀體驗!觀眾勁投入,Kelly朋友嗌到聲都沙埋!其實O依家都愈嚟愈多國際巨星、樂隊都有興趣喺迪士尼開露天演唱會,其實證明咗呢個場地係達到一定嘅國際級水平!

  嚟緊五月台灣天團五月天會延續佢嘅五月之約演唱會!喺香港少有嘅露天場地開啲咁高水準嘅大型演唱會夠晒Chill,好似置身外國咁氣氛一流!除咗演唱會,去迪士尼梗係去埋樂園玩最新遊樂設施同入住樂園酒店享受悠閒時光,香港迪士尼活動咁豐富,Kelly都好期待入去度假!

  頭條Jetso App知道讀者們一定想去轉香港迪士尼樂園,所以準備咗六十張香港迪士尼樂園一日門票(門劵不包括演唱會入場券),等你哋孖住去迪士尼玩!名額三十個,仲唔快啲下載頭條Jetso App玩遊戲贏門票啦!

KellyChu


hd