Executive日記——高質港產電影《淪落人》 感動位多喚醒心中火

  喺今屆電影金像獎獲八項提名同三項大獎嘅港產片《淪落人》,好多朋友睇過都話好感動,指片中有好多感動位,係近年難得一見有心嘅港產電影,仲有網民講反話,叫大家唔好去睇,因為怕會喺戲院內喊到收唔到聲。

  小妹有朋友睇咗《淪落人》,佢話套戲入面有好多金句,聽到人眼濕濕,例如:「你無法選擇不坐輪椅,但可以選擇點樣坐。」、「可能起跑線唔同,但我相信人人都可以發夢。」真係好有意思,呢部電影真係番醒好多人心入面團火。

  朋友仲同Kelly講,另一個感動位係由黃秋生飾演嘅梁昌榮,最初對照顧自己嘅菲傭、由Crisel Consunji飾演嘅Evelyn Santos缺乏信任而沒收咗佢本護照,到最後畀返本護照佢,都係因為相處而建立出嘅信任,令小妹再一次感受到互相信任原來係咁重要嘅,聽落真係好好睇,小妹真係想快啲入戲院睇,支持香港電影啊!

KellyChu


hd