Executive日記——冷風頸箍運動用一流 炎夏隨身法寶 解暑容乜易

  近日熱得好厲害,天文台昨天錄得最高氣溫三十一度,Kelly出街一陣已經成身汗。夏日漫長,真係唔知點算。朋友見Kelly怕熱,介紹幾款消暑神器畀小妹,包括可以掛喺頸上嘅冷風頸箍、好似耳機嘅左右風扇仔同埋袖珍冷氣機,咁就可以帶住一團清冷嘅感覺出街玩啦。

  朋友好有心,喺專賣得意小電器嘅JC Shop幫小妹搵隨身清涼產品。有一款Thanko流動冷暖頸箍,鍾意行山、露營、打高爾夫球等嘅戶外活動亦啱用,因為頸箍設製冷同製熱雙功能,一年四季啱用,接駁USB插槽或者行動電源就可以充電,炎夏掛上頸,好似掛咗一條冰涼嘅毛巾咁。

  掛頸式免提設計嘅W Fan USB充電式掛頸風扇,有左右兩個風扇仔,可以調校三段風速,又可以手調送風角度,重一百六十克,帶出街用都好方便,估唔到風扇都變得咁細把。

  另外,豪華啲嘅選擇,有可攜式嘅負離子微型冷氣機仔,聽講個快速製冷技術申請咗專利,加上負離子清淨同濕潤空氣功能,可以有效過濾PM2.5等有害物質,真係聽到都覺得吸引。

KellyChu


hd