Executive日記——暑期動物體驗營 放低手機親親大自然

  暑假好快又到,Kelly身邊有唔少朋友已為人父母,都好煩惱要帶仔女去邊玩好。小妹就有好推介,就係海洋公園學院全新嘅「暑期動物體驗營」,小朋友唔單止可以同動物零距離接觸,仲可以參加藝術創作、小組任務同探索小挑戰。

  暑假流流長,唔少父母想搵有意義嘅課外活動畀小朋友參加,小妹知道,香港海洋公園學院即將推出全新夏日歷險「暑期動物體驗營」,小朋友可以餵飼鯊魚、鯆魚、水母及珊瑚魚,近距離接觸同觀察海洋生物,機會真係好難得。平時Kelly見唔少小朋友都「機不離手」,今次希望佢哋可以放低手機親親大自然。

  體驗營仲有機會安排小朋友同動物護理員見面、親手為動物送餐,小朋友親力親為咁照顧動物,唔單止變得更有愛心,對於動物嘅知識一定更加深,俾老師問書都唔怕。暑期課程已經開始接受報名,五月二十二日三點五十九前報名仲有優惠,想報嘅朋友要快手啦。

Kelly Chu


hd