Executive日記——十大傑青提名 提醒毋忘初心

  Kelly知道今年十大傑出青年選舉開始接受提名,小妹知道首席評審係旅遊發展局主席、怡和控股有限公司副行政總裁彭耀佳,其他成員包括前食物及衞生局局長高永文、前財經事務及庫務局局長陳家強等。「十大傑出青年選舉2019」提名期至七月十五日結束,結果會喺十月公佈,十二月會舉行頒獎禮晚宴。

  今年十大傑出青年選舉以「由心出發 成就更遠」為主題,話要表揚所有由初心出發向目標奮鬥、將香港故事揚名國際嘅香港青年咁話!青年出到社會,保持熱誠、毋忘初心真係好重要,小妹覺得呢個主題真係好有意義!彭耀佳仲話,盼透過選舉搵到喺唔同範疇有卓越表現、可以提高香港質素、為香港有抱負嘅年輕人,「讓社會同香港知道『得嘅』,香港年輕人『都得』。」

Kelly Chu


hd