Executive日記——一田優惠又嚟啦 震撼激安咪錯過

  Kelly放假最鍾意就係去Shopping,小妹知道一田購物優惠日今個月二十三號開鑼,一連五日到二十七號,各位有心水貨品就要趁手啦!

  半年一度嘅一田購物優惠日下星期四就開始,今次仲有十一間分店一齊參與。今次聽聞一田有三大尋寶區— 「一折震撼區」、「$99筍貨區」同「三折起電視區」。想平掃靚貨一定要mark實二十四號嘅一折震撼區,好似鍾意周圍去旅行嘅Kelly就心水Elle 20吋四輪拉桿喼,一折優惠用二百九十八蚊就可以買到,沙田店限量十個,真係好抵!

  而$99筍貨大激安仲包括美妝產品、旅行用品等,姊妹一定要去睇吓!另外,仲有一田精心挑選逾五十款美白防曬彩妝護膚套裝,全部都係四百蚊有找,夏天都唔怕曬黑。

  每次一田優惠都好受歡迎嘅Character牀上用品梗係唔會少啦,更加加入近期大熱嘅Marvel角色,Q版英雄造型俘虜粉絲嘅心。一田超市今次亦有特價,令蔬果與海鮮都係三折起,買咗餸要煮好餐飯當然唔少得靚廚具,而名牌廚具都有折扣,大家記得要睇埋啦!

Kelly Chu


hd