Executive日記——百變豬肉檔 轉賣內衣褲

  非洲豬瘟襲港,搞到全港市民心慌慌,街市豬肉檔首當其衝,損失慘重。唔知係咪因為受豬瘟影響,有網民發現大埔一個豬肉檔改行賣Bra、女裝衣服同內衣褲,Kelly見到覺得肉檔好識變通。

  大埔大明里一個豬肉檔突然變身買女裝底衫褲,由網民寧竹銘喺facebook群組上載嘅圖片可以見到,豬肉檔裏面有齊豬肉抬、掛豬肉嘅鐵勾,仲有招牌紅燈光,不過唔係賣豬肉,係賣女士內衣褲。豬肉枱放女裝衣服同內衣褲,仲大大個掛牌寫明五蚊就有交易,真係平過買豬肉。

KellyChu


hd