Executive日記——McCafé夥順豐 靚咖啡隨傳隨到

  Kelly平時同好多講究生活嘅香港人一樣,時時刻刻都想歎茶同咖啡,但坐喺office有時真係行唔開,好在麥當勞O依家同順豐合作,將外送服務拓展至McCafé飲品,以後想飲咩都好方便。

  McCafé趁住二十周年,除咗推出一系列芝士奶蓋飲品,仲正式宣佈與順豐速運結成策略伙伴,以後無論安坐喺屋企定係喺office忙緊,想飲McCafé都無難度。麥當勞同時推出全新嘅McTracker服務,隨時都可以追蹤到訂餐,無論係餐廳製作定外賣送遞進度,都可以用手機check到,唔使心思思諗外賣幾時到,夠晒方便。O依家「麥麥送」買夠一百蚊仲送一杯芝士奶蓋系列飲品,優惠期有限,要把握機會啦!

  小妹仲收到風,最新推出嘅芝士奶蓋飲品,O依家有機會可以免費歎到。McCafé喺希慎廣場設立Pop-up Store,喺三點至六點以先到先得形式免費派發指定口味的芝士奶蓋飲品,限定去到十九號。咁着數,Kelly已經一早叫齊姊妹排隊試飲。

Kelly Chu


hd