Executive日記——中環地震預言得啖笑 都係要準時返工

  香港係一個福地,天災唔多,地震更加少之又少,所以當巴西預言家朱瑟里諾(見圖)似層層咁預言昨早九點中環會發生七級地震,引起好多關注,結果呢?當然係流料啦。

  曾聲稱預言中戴安娜死、九一一事件等嘅巴西預言家朱瑟里諾,喺二○一四年預言昨日早上九時中環會發生七級地震,咁網民連日就好關心,Kelly昨日更加較好鬧鐘,八點五十九分起身,目及實電視,好擔心有事發生,但中環一片風平浪靜。朱瑟里諾話自己九歲開始發「預知夢」,講到好神奇咁。但天文台科學主任許大偉回應傳媒查詢時就指呢啲預言「毫無科學根據」,事實亦都證明天文台講得啱,大家昨早都準時出門返工啦!

Kelly Chu


hd