Executive日記——中大「預言家」:港強震機會微

  Kelly知道最近有位預言家聲稱香港會發生強烈地震,不過大家都知係流料,其實香港有一個「地震預言家」,佢就係香港中文大學地球系統科學課程嘅楊宏峰教授。

  香港中文大學噚日喺facebook出貼,貼文係中大「地震預言家」楊宏峰教授嘅訪問內容,佢話香港發生強烈地震嘅機會好微,如果香港真係發生地震,由於香港嘅基底岩石多數係較為堅固嘅岩漿岩,所以地表晃動相對比較弱。不過,香港高樓大廈密集所以都好容易受超強颱風似「山竹」吹襲而搖動。小妹睇完即刻成個安心晒,喺香港大家只要做好預防颱風措施就得,其實地震係唔使擔心太多。

  楊宏峰教授仲話,其實以現時嘅科技,係無可能好似預言家咁,準確咁預測地震嘅確實地點、時間同強度。不過可以透過研究同構建「災害概率圖」(Hazard Map)去計有機會出現強烈地震嘅範圍,所以大家可以放心。

Kelly Chu


hd