Executive日記——公益金便服日 籌1900萬助社群

  如果Kelly要數由細到大陪伴自己長大嘅慈善機構,小妹一定話係「公益金」。公益金踏入五十周年,小妹收到風佢哋上年搞嘅便服日善款仲突破一千九百萬,真係好勁!

  小妹知道二○一八年十月十一日以「『色』得着‧做自己」為主題嘅公益金便服日,得到約一千間工商機構、政府部門同教育團體支持,更加共籌得接近港幣一千九百萬元嘅善款,好犀利!而好多大企業為善不甘後人,好似香港上海滙豐銀行有限公司,再度成為最高籌款機構,籌得港幣超過九十一萬元,而恒生銀行同長江集團就分別榮膺最高籌款機構第二同第三名。

  大家都好熱心為慈善,咁有心,Kelly一定要畀個like佢哋。

Kelly Chu


hd