Executive日記——葉劉寫《權力遊戲》劇評 結局寓意權力累死人

  最近hit到爆嘅話題點少得美劇《權力遊戲》大結局,Kelly身邊嘅劇迷個個都追到好肉緊。原來葉劉淑儀都係劇迷,佢仲喺facebook發文同大家分享感受!

  改篇自美國作家喬治‧R‧R‧馬丁奇幻文學《冰與火之歌》嘅美國神劇《權力遊戲》一直風靡全球,熱播九年,而最近終於等到大結局。不過,大結局令人大失所望、畀劇迷鬧爆,但葉劉前晚就喺fb發文發表感想,大讚《權力遊戲》會好似《魔戒》一樣成為經典,又話要體諒劇中「穿崩位」,因為工作人員都好辛苦咁話!

  葉劉已經唔係第一次點評《權力遊戲》,喺星期一佢都打咗差唔多一千五百字嘅文分享大結局嘅深層寓意,又話結局寓意權力累死人,唔知作為政客嘅葉劉打呢篇文有無其他意思呢?

Kelly Chu


hd