Executive日記——迪士尼父親節優惠 同爹哋玩餐飽迪士尼父親節優惠 同爹哋玩餐飽

  六月十六日係父親節,香港迪士尼樂園為咗鼓勵大家同爹哋玩番一日,推出港人專享「食 、玩」家庭優惠。由六月四日至六月三十日期間,港人以正價購買一張一日標準門票及一張小童門票,即可免費獲贈樂園美食套餐一份同兒童套餐一份(美食套餐價值港幣一百四十九蚊,兒童套餐價值港幣九十九蚊)。一家人可於火箭餐廳、彗星餐廳、笑匠歡宴坊、皇室宴會廳、碧林餐廳同大冒險家餐廳享受不同風味嘅美食。

  Marvel英雄倍伴好多人成長,甚至有好多成人粉絲,香港迪士尼嘅Marvel主題體驗,就啱晒子女同爹哋一齊去玩一餐。剛開幕嘅「蟻俠與黃蜂女:擊戰特攻!」與「鐵甲奇俠飛行之旅」故事緊扣。大家可以邀請爸爸一同登上「突擊」戰車,聯手利用電磁脈衝槍令機械蟲喪失活動能力。

Kelly Chu


hd