Executive日記——《食玩王》周四隨《星島》附送 乘高鐵搜羅地道美食Luke Sir帶你玩轉潮汕

  Kelly試過搭高鐵北上打個白鴿轉,真係好方便快捷,早上車去晚車返,不是夢。「搵食達人」Luke Sir曾智華就充份用高鐵,與《星島日報》合作炮製咗一本《食玩王》高鐵遊系列之潮汕篇,將於本周四隨《星島日報》附送。

  高鐵開通之後,每日有八班車來往香港同潮汕站,車程最少只需兩個半小時,比起以前搭巴士動輒五、六小時,方便得多,周末快閃上潮汕,就可以輕鬆暢遊這美食天堂。

  「搵食達人」Luke Sir就搭高鐵上潮汕尋找美食,為大家搜羅最地道嘅美食,同埋打卡景點,全部落齊喺《食玩王》高鐵遊系列之潮汕篇喺沿線美食,一書在手,就可以橫行潮汕美食界。

  Kelly先睹為快,潮汕美食,應有盡有,不能錯過嘅有全牛火鍋、秘製滷水、海鮮打冷、各式粿品等等,而牛肉大多是出自在地飼養的草食黃牛,其風味是別處吃不到。

  小妹見到Luke Sir大快朵頤,流晒口水,大家想跟Luke Sir嘆美食,記住要留意六月六日(本周四)隨《星島日報》附送嘅《食玩王》高鐵遊系列之潮汕篇啦。下個星期四會隨報送《食玩王》高鐵遊系列之廣州篇,再下個星期四就送《食玩王》之深圳篇。

Kelly Chu


hd