Executive日記——辛苦嘅過程係因為進步 輕鬆嘅時候即係退步 「跳馬王子」 座右銘勉勵年輕人

  「跳馬王子」石偉雄近期發威,連奪兩面世界賽嘅跳馬金牌。Kelly十分佩服佢嘅堅持同毅力,畀個like佢!原來石仔自己有一個好勵志嘅座右銘,就係「辛苦嘅過程係因為進步,當你輕鬆嘅時候即係退步。」小妹會銘記於心。



  二○一六年石仔右肩傷患而落選里約奧運,石仔沒有放棄,養傷一年後重新出發。終於,佢喺今年五月首奪個人首面世界挑戰盃跳馬金牌,緊接係體操世界挑戰盃斯洛文尼亞站再下一城,再奪一面跳馬金牌,為港爭光。小妹見佢十年奮鬥,努力終沒白費。

  石仔接受電視專訪時話:「以前付出過嘅努力,血、汗、傷,以及失敗等,其實呢一啲歷練,都是鍛煉一個人嘅意志。任何人都會遇到困難,堅持一陣係好客易嘅事,但堅持到尾就係好困難嘅事。」

  佢又透露自己嘅座右銘:「做任何事都會辛苦,辛苦嘅過程係因為進步,當你輕鬆嘅時候即係退步。o依家經歷咁多,依然喜歡體操。」Kelly都勉勵年輕人,凡事堅持到尾,勇於追夢!

Kelly Chu


hd