Executive日記——EDUplus「展翅高飛」 助學子規劃前途

  下個月初就喺DSE放榜嘅大日子,相信唔少學生同家長已經開始為升學就業做準備。EDUplus.hk將會喺今個星期六、日上午十點半至下午四點十五分喺旺角康得思酒店七至八樓舉行「展翅高飛——青年升學及職業博覽」,協助學生作出升學或就業嘅選擇。

  近六十間升學機構同招聘企業,包括本地大學、專上學院、海外寄宿中學及大學、知名招聘企業同培訓及升學就業輔導機構將會參展,加強中四至應屆高中畢業學生同家長對前途規劃嘅認識同掌握最新資訊。多媒體工作者方健儀小姐同多位星級升學專家都會擔任講座嘉賓,分享喺升學、職場規劃同面試嘅心得。

  博覽免費入場,歡迎各位參加。如果大家有興趣就快啲去www.eduplus.hk/dse2登記啦!

Kelly Chu


hd