Executive日記——年底展開講座系列 「中大新聞獎」又嚟啦! 各大媒體競逐十獎項

  政府強推反修訂移交逃犯條例,觸發激烈警民衝突,各大傳媒緊貼呢單大新聞,由早到晚不停報道,將最新消息第一時間向公眾發佈。Kelly一直撐新聞界,所以好支持兩年一度嘅「中大新聞獎」,各傳媒透過參與這個新聞比賽,除咗提升新聞工作嘅專業水平之外,仲俾公眾知道新聞嘅重要性社會功能。



  由中大新聞及傳播學院校友會舉辦嘅「中大新聞獎」,今年嚟到第九屆。中大新聞與傳播學院校友會主席張宏艷對Kelly話,歷屆參加作品數目一直在上升,新聞界反應理想。佢話「中大新聞獎」分五個組別:(一)最佳文字新聞獎、(二)最佳文字專題獎、(三)最佳視像新聞獎、(四)最佳視像專題獎、(五)最佳聲音新聞 / 專題獎。每個組別皆設一個大獎,一個優異獎。

  佢呼籲各大傳媒踴躍參賽!截止報名日期係七月三日,而頒獎禮將於今年十一月舉行,到時得獎者、評判團、各大傳媒機構代表及贊助機構代表將獲邀出席。「中大新聞獎」仲設講座系列,將於今年年底展開,由傳媒重量級人物 及「中大新聞獎」得獎者主講有關媒界嘅題目。

Kelly Chu


hd