Executive日記——香港博物館節帶你走入社區

  唔知大家同Kelly一樣有幾耐冇去過博物館?今年嘅香港博物館節會喺六月二十二日至七月七日舉行,唔同嘅博物館都會有活動,大家不妨睇下有咩啱心水,唔使淨係行街shopping咁悶。

     今年嘅香港博物館節以「變新」為主題,帶各位一齊睇下博物館係點樣經歷同展現蛻變。其中嘅重頭節目就喺茶具文物館舉辦嘅「相約在茶館」,喺香港第一座由英國人建成嘅西式建築中學習同體驗中國茶文化,嚟個中西合璧。

  部份活動鼓勵大家走入社區,香港藝術館首席研究員司徒元傑、香港海防博物館助理館長馮志明博士同香港科學館總館長陳淑文會透過從事有關藝術、歷史或者科學嘅專業眼光,引領大家尋找平常人同事中不平常風景,分別感受大澳藝術、了解香港大學嘅抗戰史同靈長類動物學家珍古德保育黑猩猩的故事。

  其他博物館亦有唔同活動,大部份名額有限,大家要快手報名。

Kelly Chu


hd