Executive日記——紅十字會助成功尋親 失散60年兄妹 珍惜相聚時光

  紅十字會的尋人服務,賺人熱淚。昨日會方公佈成功尋人個案,事主喺八個月大嘅時候俾人領養,佢長大後決定尋親,昨天終與失散六十多年嘅家人聚首,場面好催淚,Kelly都眼濕濕。

  紅十字會話,查詢人冼玉翎喺本年一月初申請尋人服務,佢七、八歲時無意中發現自己針卡上嘅真姓名係陳美莊,但本着「生娘不及養娘大」嘅諗法,佢唔想令養父母傷心而冇追問。冇想到自己四十多歲時,養母主動向佢透露領養一事,原因係佢親生父母嘅子女太多,無力養育佢,於是將排行第八嘅佢送畀冼家收養。

  但佢尋親嘅想法一直揮之不去,紅十字會上周為佢安排個案報道,佢嘅親生四哥陳景雄睇到,致電香港紅十字會查證,終於確認雙方係失散六十多年嘅親兄妹。佢哋昨天首次會面,場面溫馨,兄長仲回想起曾經抱過妹妹,話要珍惜往後嘅相聚時間。

  Kelly希望大家珍惜眼前人,好好過日子。

Kelly Chu


hd