Executive日記——樂園招聘萬聖節表演者即場演繹考臨場反應

  萬聖節未到,好多人就扮嘩鬼。Kelly係講緊香港迪士尼樂園開始為十月嘅萬聖節活動招請演員呀。昨日樂園喺荃灣南豐紗廠舉辦「迪士尼萬聖節演員及表演者面試日」,全日有超過三百位應徵者參與,人數較去年多二成五,反應非常熱烈!應徵者當中以本地表演者為主,Kelly沒想到更有較年長嘅人士現身,齊齊扮鬼嚇吓人。

  迪士尼樂園朋友話,每個參加者喺面試期間都會收到一份短劇本,需要佢哋即場發揮創意,用自己嘅方法去演繹角色,考臨場反應之餘,仲會測試埋參加者對故事的理解、角色對白、面部及形體動作表達等技巧。

  朋友話,今次樂園預期會聘請約六十人參與今年十月嘅萬聖節特備活動表演。Kelly合指一算,平均每個職位有五位競爭者,咁質數一定好高,好期待香港迪士尼嘅萬聖節特備活動,被嚇一餐後笑一餐。

Kelly Chu


hd