Executive日記——《頭條》邁向15周年 精采活動至賞你開心

  Kelly預祝《頭條日報》7月12日Happy Birthday!今年《頭條》踏入十五周年,慶祝活動更Like更Fun,仲充滿驚喜。《頭條》驚喜預告請大家食雪糕,淨係呢啲着數已經要大大力畀LIKE啦。仲有,《頭條》今年精心創作「頭條家族」同大家一齊慶祝,大派着數,勁送獎金獎品、齊齊做善事等等,總之驚喜多多,目的只得一個:至賞你開心呀!

  數數手指,Kelly睇《頭條》將近十五年,攞到唔少實用資訊同優惠。每年《頭條》慶祝生日活動都係着數多多,今年準備請讀者食雪糕,等大家喺熱辣辣嘅夏天可以極速降溫,呢個idea爽夾正呀!

  歎雪糕之餘,仲有其他精采活動同大家開心慶祝,包括街拍雪糕車做善事、寫生日卡有機會贏旅遊現金券或新款智能手機,身份證號碼同《頭條》生日7.1.2一樣即送精美禮品等等,壓軸活動仲有「頭條家族」雨傘獨家換購,食買玩做善事乜都有,超期待呀!

  聽聞仲有好多城中巨星同《頭條》賀壽呀!Kelly已經mark低咗派雪糕同其他活動嘅重要日子,一個都不能錯過。提提大家,今個星期五就係《頭條》派雪糕嘅大日子,記得call齊班friend開心share啦!想知道嚟緊連串慶祝活動詳情,記得緊貼《頭條日報》及頭條facebook活動專頁。

Kelly Chu


hd