Executive日記——啱晒一家大細玩 昂坪十大打卡位 體驗夏日Chill之旅

  暑假做咩好?鍾意去離島嘅朋友向Kelly推介昂坪360,因為佢哋推出全新夏日限定活動「昂坪Chill Cool Summer」,由七月十二日至九月一日期間昂坪廣場打造十大打卡位,仲有為小朋友而設嘅免費布偶劇、玻璃彩繪工作坊及大自然導賞團,打造視覺與觸覺兼備的「Chill」式體驗之旅。

  小妹仲八到昂坪360今次特登引入韓國人氣拍照館「Instasia」、又邀請本地同法國藝術家,以及有「文青女神」之稱嘅袁澧林,共同繪製富地道風味及昂坪自然氣息的打卡牆,帶來視覺雙重滿足。而為食嘅小妹仲知道昂坪360仲推出埋獨家嘅「紫背天葵」雪葩,為你提供消暑透心涼的體驗。

  小朋友都有好多優惠,同家人可以免費睇由本地戲偶劇場「小不點創作」所製作嘅親子布偶劇場《昂坪Chill Cool花園尋蝶之旅》,以大自然及蝴蝶為主題,加入與小朋友互動環節,滲入環境保育嘅意義。仲有免費「玻璃彩繪工作坊」,畀大家親手製作一份充滿昂坪特色嘅紀念品,學習環保嘅重要性。

Kelly Chu


hd