Executive日記——跟學生對談了解想法 梁卓偉:要聽唔同聲音

  反《逃犯條例》修訂引發社會連番風波。香港大學醫學院facebook貼出院長梁卓偉嘅文章,指他為人師表,十分關心學生,就近期嘅政治風波同學生促膝詳談,了解佢哋嘅思想同感受,佢話每人都有責任聆聽與自己唔同嘅聲音,並對自己立場作反省。Kelly覺得院長嘅一番說話,值得大家反思!

  梁卓偉講到,佢擔任學生宿舍志新學院的院長,七月二日晚上深夜回到宿舍,發現一班同學仍然未睡,於是趁機同佢哋談起過去一個月嘅事情,一直傾到近凌晨三點。佢話身為「長輩」嘅佢,盡量代入聆聽者嘅角色,親身了解年輕人嘅思想同感受,不單是作為老師嘅責任,亦係福份。

  曾在政府工作嘅梁卓偉又話,若單單從管治一方嘅角度,自然很難完全接受同學嘅觀點。但換一個角度,同學立場背後的成因與脈絡,亦絕對不能忽視。得出結論或打算批判別人之前,其實都有責任先去聆聽同自己唔同嘅聲音,和對自己立場嘅反省。

  梁卓偉又提到上星期五到了香港仔華人永遠墳場為太婆掃墓,也順道到北大前校長蔡元培嘅墓前憑弔(見圖)。蔡元培先生嘅事蹟,同時令佢反思作為教育工作者嘅責任,面對現今香港嘅局面,蔡元培先生又會有怎樣嘅決擇呢?

Kelly Chu


hd